L'Uviéu nun furrula. Esti branu la comisión deportiva del equipu azul desanició l'equipu dafechu y fizo ún nuevu,como si del PcUviéu 2.0 fuere y agora tamos pagando les consecuencies. Nel partíu de güei solo xugaren trés xugadores del añu pasáu(Michu,Ricardo y Nacho García) ensin cuntar a Caco Morán que tuvo tol añu mancáu, y eso a la llarga vese reflexáu nel campu, con unos xugadores que nun s'entienden ente ellos, que nun son quien a dar cuatros pases siguíos y lo peor de too, qu'en vuelta de dir a mas van a menos.



Tamos viendo que cuando'l partío ponse pindiu, nun tenemos recambios ofensivos nel bancu, yá que nun hai mas delanteros que los dos titulares, el tercer y cuartu tan desapaecíos y el quintu ta en Marbella y non de vacaciones.

L'Uviéu salió con esti once titular:Pileta Gastón, Ricardo, Fede, Pablo, Sergio; Pepín, Michu, Servando, Jacobo; Castillo y Nacho García. La primera ocasión foi pal Uviéu cuando un pelotu escolingáu nel aria foi atopáu por Pepín que llanzó un frayazu pero la pelota salió raspiando'l palu. Equí finaren les ocasiones azules yá que'l Sestao garró'l control del balón y yera quien mas averábase al aria a la gueta del primeru de la tarde.


Leer artículo completo en narancoafayaizu.com