Troféu principéu que se lleven los del Piles por dos golinos a cero.Cuando los xugadores inda taben abellugándose nel prau del Molinón,llegó la espulsión de Michu,que por munches vueltes que la vemos,nun somos quien a saber por qué foi espulsáu pol colexáu.

Dende esti momentu'l partíu se franció y l'Uviéu atechóse na so aria.El pibe Gastón afitóse perbién con dos paraes que tuvo de disviar,nun mano a mano y otra al llargueru de la so portería.Los goles de los playos llegaren en dos testarazos que'l porteru arxentín nun foi quien a atayar.

Na segunda parte,l'Uviéu esconsoñó daqué y tuvo dalguna ocasión anque nenguna llegó a lo fonderu de la rede.Lo meyor el partíu foi la entrada de Pepín a un pesqueru,qu'esta vuelta si,foi xusta tarxeta encarnada.Bona l'actitú del es-xugador de la Cultu,tomen nota otros.Partíu que poques conclusiones va dexanos yá que nun tuvimos la ocasión de lluchar en igualdá de condiciones dende un entamu.

Esti añu tien pinta los playos de tornar a garrar la camiseta de "Yo estuve en el ascenso del sportín". Seyan felices col troféu "Tinipado"


Copiado de narancoafayaizu.com