Fai unos díes quedábemos ablucaos, cuando dende la páxina oficial del Real Uviéu, asoleyaben una noticia na que dicíen que diben tomar midíes llegales escontra Sebastián González (Chan) el dueñu del chigre del Requexón, y dicimos dueñu porque foi Chan quien pagó la caseta. Nun sabemos cuales son los motivos fonderos d'esta decisión, pero polo que nun vamos pasar ye porque intenten duldar del sentir azul de la xente que lleva la caseta.

Nun sabemos cuál ye la midía que garren estos pa midir l'uvieísmu de naide, pero dicir que nun son del Uviéu ye como dicir que Marco Pintado hai dos años que va a los partíos del nuesu equipu. Dende equí, nun vamos asoleyar tolos exemplos d'uvieísmu que nos dio Chan, porque polo menos por nosotros son conocíos dende fai años. Paez que la razón principal pa echalu como a un perru, ye qu'hai munches crítiques al conseyu na redolada del chigre. ¿Va tener tamién Chan la culpa de qu'esta pasada selmana unos aficionaos dixeren a Pintado de too menos guapu, a la vera del chigre? ¿Va tener la culpa de que'l pá y la ma de los neños, critiquen a un entrenador como lo fai'l pá y la ma de los neños de cualesquier equipu??

Tampoco paez normal qu'entainen agora pa echalu, cuando'l próximu añu finaba'l contratu del chigre y podíen echalu ensin tener que denunciar a naide. Dende equí queremos dar les gracies y el sofitu a esta xente que ta pasando unos malos momentos. Esperemos que too s'igüe ensin tener que pasar pel xulgáu, yá que ye murnio qu'haiga que llegar hasta ehí.


Copiado de narancoafayaizu.com