A partir de les ocho y media de la tarde,vamos ver a los que va tiempu fueren los nuesos ídolos y marcaren una dómina nel Uviéu,qu'enxamás vamos escaecer.Nel campu de la Iría van tar dellos xugadores que xugaren la eliminatoria de la UEFA escontra'l Génova,como Viti,Gorriarán,Sañudo,Jankovic o Carlos,y van tar acompangaos tamién por xugadores que rescamplaron nos noventa,cola camiseta azul como Jokanovic,Cristóbal o Robert Prosinecki,que fuere ún de los meyores xugadores mozos d'Europa.

Nel equipu contrariu van tar otros xugadores que nun xugaren n'Europa pero qu'ensin dubia tamién van formar parte de la hestoria del Uviéu.Escribieren una de les meyores páxines cuando tábemos nes llamuergues de la tercera asturiana,au nos dexaren los Oli,Geni,Jaime,Amieva y otros tantos que tamién nos vamos alcordar d'ellos tola vida,y de so ma y so pá tamién.

El partíu va ser de trenta minutos cada tiempu y como entrenadores van tar Julio Marigil y Tensi nel equipu UEFA y Pedro Luis nel de tercera. Enantes d'entamar el partíu,van xugar un tornéu de rapazos del Uviéu,San Cloyo,Llanera y Peña Marigil.Los neños van entrar de baldre y los socios tienen que pagar tres euros mentanto que pa los non socios el preciu ye de cinco.

De xuru que van tener alcordances afayaices tolos aficionaos qu'elli tean.


Leer artículo completo en narancoafayaizu.com