Echando una güeyada a la clasificaria de "pichichis" del grupu del Uviéu, vemos como nos cuatro primeros equipos, la so delantera tien un bon garrapiellu de goles, cosa que nun pasa nel Uviéu, yá que Nacho García a pesar de les crítiques, ye'l unicu que fai goles nel equipu uvieín. Nel caberu equipu que nos visitó, el Salamanca, ente Miku y Deus lleven ventitrés. La Real Sociedad lleva ventiocho con Díaz de Cerío y Agirretxe. Venti lleva la Ponferradina ente Rubén Vega y Diego Rivera, mentanto que'l Burgos ye quien lleva menos de los que tan na lliguilla con 15 tantos que se reparten Roberto García y Samuel. L'Uviéu nun llega a esa cifra nin sumando los goles de tolos delanteros. Nacho García algamó nueve, Cervero dos, Adrián dos y Nacho Rodríguez ún, colo que faen un total de catorce, colo que solo pasamos los 15 del Burgos si sumamos los trés que fizo Michu, que nun ye precisamente un delanteru natu. Rescampla que les crítiques anguaño cayeren en Nacho García, cuando ye'l únicu que ta faciendo goles y foi'l xugador que mas puntos dio al Uviéu. De xuru que si tuviera meyor acompangáu, taríamos nos puestos d'enriba.


Texto completo. Extraído de Naranco Afayaizu